मेरुदण्ड भाचिएर घाइते भएका यातायात मजदुरलाई सहयोग

धरान । गत असोज पहिलो साता सवारी दुर्घटनामा परि मेरुदण्ड भाचिएर घाइते भएका बस चालक सोम राईलाई नयाँ वर्ष २०७९ को अवसरमा सहयोग रकम प्रदान गरिएको छ ।

राष्ट्रिय यातायात स्वतन्त्र मजदुर संगठनका प्रदेश नम्बर १ सदस्य तथा नेकपा एमाले जिल्ला कमिटी सदस्य रविन्द्र अधिकारीको पहलमा संकलन भएको १५ हजार रुपैया उनको उपचारका लागि सहयोग गरिएको हो । सहयोगका लागि वैदेशिक रोजगारबाट फर्किएका पुर्व यातायात मजदुर शुशिल पोखरेलले आफ्नो आइतबार पर्ने जन्मदिनको अवसरमा पार्दै नयाँ वर्षमा १० हजार रुपैया राईको उपचारका लागि सहयोग गरेका हुन् । त्यसै गरि अधिकारीले नगर ३५ सय सहित खाद्यान्न र संगठनका नेता गोबिन्द गिरीले १५ सय रुपैया सहयोग गरेका थिए ।

राई विगत ६ महिना देखि मेरुदण्ड भाचिएर ओछ्यान परेका छन् । उनी धरान हुँदै दमक देखि यासोक चल्ने को १ ह ३८६५ नम्बरको बसका चालक थिए । उनी सँगै दुर्घटनामा परि ४ जनाको मृत्यु भएको थियो । चालक राईको मेरुदण्ड भाचिएर चार पटक अप्रेसन गरि रड लगाइएको छ । उनी मात्रै कमाउने व्यक्ति भएकाले उनको परिवारलाई दैनिक चलाउने समस्या हुने गरेको छ । उनलाई अहिले विभिन्न संघसंस्थाहरुको सहयोगमा खाद्यान्न सहित उपचारका लागि सहयोग जुटिरहेको छ । उनलाई सवारी संगठनले कुनै पनि सहयोग नगरेको गुनासो गरेका छन् ।

रकम हस्तान्तरण कार्यक्रममा संगठनका धरान उपमहानगर अध्यक्ष कमल भट्टराई, एमालेका जिल्ला सदस्य नवराज राई, जिफन्टको नेता मुक्तिनाथ गिरी लगायतको उपस्थिती रहेको थियो ।