_1693980289.gif "#")
इटहरी / इटहरी र सुन्दरहरैचा नगरपालीकालाइ जोडने बुढीगंगा जमुना मुक्तिघाट परिसरमा लगाइएको छैठ पर्वको समुदघाटन समारोहलाइ प्रमुख अतिथिको रूपमा सम्बोधन गर्न एक नं प्रदेशका मुख्यमन्त्रीले आउछु भनेर कार्यक्रम स्थल नपुगी बाटैबाट फर्किएका छन ।
कार्यक्रम समुदघाटन र सम्बोधन गर्नकै लागि मुख्यमन्त्री राइ इटहरीसम्म आएका थिए तर कार्यक्रम स्थल नपुगी उनी एकाएक फर्किएपछि आयोजक पक्ष र अन्य अतिथिहरू पनि रूस्ट बनेका थिए । ५ मिनेट अघि सम्म त बाटैमा छु भन्नुभएको थियो तर फेरी अचानक बिशेष कामले आउन पाइन सरी भन्नुभयो आयोजक मध्येका एकले आफ्नो नाम नबताउने सर्तमा कोशीपत्रलाइ बताए ।
कोरोना सन्त्रासका कारण बिगत २ वर्ष देखि खल्लो बनेको पर्व यो वर्ष औपचारिक रूपमा भव्य र सव्य बनाउन छैठ पर्व सेवा समिति इटहरीले विभिन्न सांस्कृतिक कार्यक्रमहरूको आयोजना गरेको थियो । उक्त कार्यक्रमको प्रमुख अतिथि एक नं प्रदेशका मुख्य मन्त्री राजेन्द्र कुमार राइ तय भएका थिए । मुख्यमन्त्री राइ पनि सोही कार्यक्रमकै लागि भनेर इटहरी आएसकेका थिए ।
दिउसो ३ बजे इटहरीका पत्रकारहरूसाग कुरा गरेर ५ बजे कार्यक्रम स्थल पुग्ने र छोटोमिठो सम्बोधन गरेर फर्कने तय भैसकेको कार्यक्रम बीचैमा स्याडुअल परिवर्तन गरी मुख्यमन्त्री राइ कार्यक्रम स्थल नपुगी फर्किएका थिए ।
स्रोतका अनुसार कार्यक्रम स्थलमा एमाले कार्यकता हावी भएको मुख्यमन्त्री राईलाई जानकारी पुगेपछि उनी सो स्थल नपुगी फर्किएको छैठ पर्व समितिक एक सदस्यले बताए । मुख्यमन्त्री राइ कार्यक्रम स्थल नपुगेपछि अन्तत ःनेपालका प्रथम जगतगुरू बालसन्त मोहन शरण देवाचार्यलाइ प्रमुख अतिथि बनाएर कार्यक्रम सुभारम्भ गरिएको थियो ।
त्यस्तै कार्यक्रमका विशिस्ट अतिथि एक नं प्रदेशका आन्तरिक मामिला तथा कानुन मन्त्री केदार कार्कि कार्यक्रम स्थलमा पुग्ना साथ सम्बोधन गरेर फर्किएका थिए । कार्यक्रम छैठ पर्व सेवा समिति इटहरीका अध्यक्ष वासुदेव साहको सभापतित्वमा सम्पन्न भएको थियो ।
