मानव वस्ती नजिकै कोरोना संक्रमतिको दाह संस्कार गरेको भन्दै स्थानियको आपत्ति

धरान/ धरान–१४ र १५ को संगम स्थलमा रहेको खत्री धारा दाह संस्कार स्थलमा कोरोना संक्रमणबाट मृत्यु भएकाको दाह संस्कार गरिएकोमा स्थानिय बासिन्दाहरुले आपत्ति जनाएका छन ।

२०७८ बैसाख २३ गते धरान–३ की एक महिला कोरोना संक्रमणबाट मृत्यु भए पछि खत्री धारामा अन्तिम दाह संस्कार गरिएको थियो । कोरोना संक्रमित महिलाको शव जलाएर दाह संस्कार गरेको कुरा थाहा पाए पछि स्थानिय बासिन्दाहरुले आपत्ति जनाएका हुन् ।

कोरोना संक्रमणबाट मृत्यु भएकाहरुको अन्तिम संस्कार आÏनो जातीय परम्परा धर्म, संस्कार अनुसार गर्न पाउनु पर्ने भएता पनि मावन वस्ती नभएको स्थानमा चार कोशे झाडीमै शव जलाउने व्यवस्था हुनु पर्ने स्थानिय पर्वत राईले बताएका छन ।

यो भन्दा अगाडी कोरोना संक्रमितबाट मृत्यु भएकाहरुको शव गाडेर अन्तिम दाह संस्कार गरिदै आएको भएता पनि यस पटक आ–आÏनो जातीय धर्म परम्परा अनुसार अन्तिम संस्कार गर्न भारत लगायत नेपाल सरकारले अनुमति दिएकोले शव जलाएर अन्तिम दाह संस्कार गरिएको मृतकका आफन्तजनले बताएका छन । दाह संस्कारमा संलग्न झिगु समाजका कर्मचारीको स्वास्थ्य परिक्षण हुनु पर्ने स्थानियले बताउँदै आएका छन ।