लोकगायक गन्धर्वलाई आर्थिक सहयोग जुट्दै

धरान । आर्थिक अभावका कारण उपचार गराउन समस्या भोगिरहेका लोक गायक सुरेश गन्धर्वलाई आर्थिक सहयोग जुट्न थालेको छ ।

धरान स्थित वीपी कोइराला स्वास्थ्य विज्ञान प्रतिष्ठानको ट्रपिकल वार्डमा उपचार गराईरहेका गन्धर्वलाई धरानका युवाहरुले आर्थिक सहयोग गरेका छन् । उनी उपचाररत वार्डमा नै पुगेर धरानका युवा दिपक घिसिङको पहलमा संकलन भएको ५ हजार युवा नेता हर्कजङ एभेङ सहितले गायकलाई हस्तान्तरण गरेकाछन् ।

घिसिङका अनुसार टिकाराम विसुंखे, सोनम राई, हर्कजंग एभेङ, समुन धामी र लालकुमार राई९छिन्ताङ्गे०बाट उक्त रकम संकलन भएको थियो ।

यस्तै, प्रबोध साप्ताहिकको तर्फबाट पनि ३ हजार ३ सय ७५ रुपैया गायक गन्धर्वलाई सहयोग गरिएको छ । पत्रिकाका सम्पादक लम्जेल संघर्षशील, उपसम्पादकद्धय निमा पोङ्सुवा र नविन रम्तेल अस्पताल पुगेर नगद हस्तान्तरण गरेका थिए ।

लोकगायक गन्धर्वलाई अस्पतालमा भर्ना तथा उपचारको लागि सारंगी सुरेश गन्धर्व बचाउँ अभियाननै संचालन हुने भएको छ । रंगकर्मी विष्णु मोक्तानको पहलमा अभियानले बैंक खाता खोलेर आर्थिक सहयोग जुटाउने भएको छ ।