_1693980289.gif "#")
सुनसरी । भारतीय नाकाबाट अवैध रुपमा सामान तस्करी भित्र्याउने क्रममा एक महिलालाई पक्राउ गर्ने क्रममा प्रहरीले १ राउण्ड हवाई फायर गरेको छ ।
बिराटनगर महानगरपालिका वडा नम्बर १७ स्थित मटेरुवाबाट १ सय ८ थान छालाको बेल्ट सहित तस्करी गर्ने क्रममा प्रहरीले नियन्त्रणमा लिन खोज्दा प्रहरी माथिनै अन्य मानिसहरुले हुलहुज्जत गर्न थाले पछि प्रहरीले १ राउण्ड हवाई फायर गरेको थियो ।
जिल्ला प्रहरी कार्यालय मोरङको टोलिले अरबिना खातुनलाई आइतबार बिहान प्रहरीले पक्राउ गर्न खोजेको थियो । अवैध सामान भित्र्याउन लागेको सुचनाको आधारमा प्रहरीले उनलाई नियन्त्रणमा लिन खोजेको थियो । प्रहरीले हवाई फायर गरे पछि महिलालाई नियन्त्रणमा लिएको थियो ।
घटनाको थप अनुसन्धान भईरहेको तथा घटनामा संग्लग्न अन्य मानिसहरुको खोजतलास भईरहेको जिल्ला प्रहरी कार्यालय मोरङले जनाएको छ ।
