_1693980289.gif "#")
धरान । आज छठपर्वको दोस्रो दिन । यस वर्षका सबै चाडपर्वहरु खुलेर मनाउन नपाएको अवश्था छठ पर्व पनि प्रभावित बनेको छ।
खोला, नदीहरुमा छठको पहिलो दिन देखिनै सिंगारिने गरिन्थे तर यस वर्ष कोरोनाका कारण स्थानीय सरकारले प्रतिबन्ध लगाए पनि घर घरमै विभिन्न धार्मिक रित पुरा गर्दै छठ पर्व मनाईरहेका छन् ।
दोस्रो दिन आज पानी समेत नखाई व्रत बसिने ‘खरना’ मनाउने तयारीमा छन् । भोलि मंसिर ५ गते अस्ताउँदो सुर्यलाई र मंसिर ६ गते विहान उदाउँदो सुर्यलाई अर्घ दिएर समापन गर्ने तयारी स्वरुप आज निर्जल उपवास बस्ने गरिएको हो ।
आजको दिन भर व्रत बसेर व्रतालुहरू साँझमा एक छाक मात्र भोजन गर्दछन् । आज एक छाक मात्र भोजन गर्नुको कारण, छठको दिन अर्थात् भोलिपल्ट दिनभरि पानीसमेत नपिई निराहार व्रतको पूर्वाभ्यास पनि हो ।
चार दिन सम्म मनाइने छठ पर्वको छठको पहिलो दिन, कार्तिक शुक्ल चतुर्थीलाई “नहाई खाय“ भनिन्छ । छठको तेस्रो दिन, कार्तिक शुक्ल षष्ठीलाई विशेष दिन “छठ“ भनिन्छ । छठको चौथो दिन, कार्तिक शुक्ल सप्तमीलाई ‘विहनीया अर्घ’ भनिन्छ ।
सूर्यको उपासना गर्ने र शुद्धताको प्रतीक भएकाले तराईबाट शुरु भई हाल पहाड र हिमाली क्षेत्रसम्म पनि छठ मनाउन थालिएको छ । खोला, नदीको तिरमा विभिन्न मन्दिरहरु बनाई छठ पर्व मनाउने गरिएको थियो ।
