_1693980289.gif "#")
इटहरी । चाडपर्व नजिकिएसंगै उपभोग्य बस्तुको मुल्यमा एकरूपता नभएको ब्यापक जनगुनासो पछि इटहरी उपमहानगरपालिकाले बजार अनुगमनलाइ तिब्रता दिइएको छ । पटक पटक सम्झाउदा पनि अटेर गर्दै म्याद गुज्रिएको सामान बिक्री गर्ने एक किराना पसललाइ शिल गरेको छ ।
केहि समय अघि अखाद्य बस्तु सहित म्याद गुज्रिएका सामग्रीहरू भेटिएपछि चेतावनी दिदै छोडिएको इटहरी १२ खनार स्थित बिक्रम किराना पसलमा शुक्रबार अनुगमन गर्दा पुनः पुरानै सामग्री भेटिएपछि पसल शिल गरिएको इटहरी उपमहानगरपालिकाकी उपमेयर लक्ष्मी गौतमले बताईन । खनारका स्थानीय मंगल चौधरीले सञ्चालन गरेको उक्त पसलबाट म्याद गुज्रीएको घ्यु, बिस्कुट, तेल, बेसार लगायतका खाद्यान्नहरू फेला परेका थिए ।
बजार अनुगमनलाइ तिब्रता दिने क्रममा शुक्रबार इटहरी १२ खनार स्थित केहि खाद्यान्न पसल, किराना पसलहरू अनुगमन गरिएको थियो । करीब २ घण्टा गरिएको अनुगमनमा खनार क्षेत्रमा सञ्चालित ७ वटा किराना पसलबाट म्याद गुज्रीएको सामग्रीहरू जफत गरिएको उपमेयर गौतमले बताईन् ।
एक दर्जन बढी पसलहरूमा अनुगमन गर्दा अधिकांस ब्यवसायहरूले प्रशासनबाट जारी मापदण्ड पालना नगरेको, मास्क, सेनिटाइजर प्रयोग नगरेको तथा मुल्यसुचि नराखेको पाइएकोले तिनिहरूलाइ अन्तिम चेतावनि दिइ छाडिएको र पुनः अनुगमन गर्दा गल्ती दोहोरिए पसल शिल गर्ने चेतावनी दिएको उपमेयर गौतमले बताईन ।
