सप्तकोशी नगरपालिकाको ४६ करोड ८१ लाख बजेट

उदयपुर । स्थानीय तहमा निकै सम्भावना बोकेको सप्तकोशी नगरपालिकाको पाचौ नगरसभा एवं वार्षिक निति तथा वजेट कार्यक्रम सम्पन्न भएको छ ।
सभामा नगरपालिकाका प्रमुख उत्तम कुमार शर्माले प्रस्तुत गरेको आर्थिक वर्ष २०७७÷७८ को बजेट ४६ करोड ८१ लाख ६७ हजार ४ सय ७० बराबरको बजेटको निति तथा कार्यक्रम पास भएको छ ।
नगरसभाको उद्घाटन कार्यक्रमका प्रमुख अतिथि प्रदेश नं २ का प्रदेश सदस्य तथा नेकपा स्थाइकमिटि सदस्य सव्य नारायण मण्डलले गरेका थिए । कार्यक्रममा प्रमुख अतिथि मण्डलले देशमा कार्य व्यवस्था फेरिएको तर आम जनमानिसको सोचमा परिवर्तन आउन समय लागेको बताए ।
त्यसै गरि विशिष्ट अतिथि नेपाल किसान संघका केन्द्रिय सदस्य पुष्प वस्नेतले सप्तकोशी नगर कृषि क्षेत्रमा धेरै सम्भावना बोकेको क्षेत्रको रुपमा व्याख्या गरे । उनले कृषि क्षेत्रमा लाग्ने किसानका समस्यालााई सम्बोधन गर्ने एवं वरिपरी रहेको जडिबुटिलाई संकलन गरी आयआर्जनका कामलाई अघि बढाउन नगरपालिकालाई सुझाव दिए ।
कार्यक्रममा नगरपालिकाका निमित्त प्रमुख प्रशासकिय अधिकृत रामदेव चौधरी उपमेयर आशा चौधरी विभिन्न दल तथा संघ संस्था प्रतिनिधि एवं वुद्धिजिविहरुको सहभागिता रहेको थियो । नगर प्रमुख उत्तम कुमार शर्माको अध्ययक्षतामा सम्पन्न नगरसभामा कार्यपालिका सदस्य लिला थापा मगरले स्वागत मन्तव्य राखेकी थिइन् ।