हाइड्रोको पेनस्टक पाइप फुटेपछि माबुको बस्ती नै जोखिममा

इलाम / इलामको सन्दकपुर गाउँपालिका–४, माबुको एउटा बस्ती नै जोखिममा परेको छ । अप्परमाई जलविद्युत् आयोजनाको पेनस्टक पाइप फुटेर पानी बाहिर निस्किएर पछि बस्तनै जोखिममा परेको हो । पानी बाहिर निस्किएसँगै करिब सय मिटर क्षेत्रकोे भू–भाग लच्किएको सन्दकपुर गाउँपालिकाका अध्यक्ष उदय राईले बताए ।

उनले भने ‘जमिन धाँजा फाटेर सरेपछि स्थानीय ५ घर परिवार विस्थापित हुने अवस्था रहेको छ ।, ‘तत्काल पाइप मर्मत नभए वडाको करिब आधा संख्याका घरहरू रहेको सोमबारे बजार नै जोखिममा पर्ने छ ।

‘अहिले नै जोखिममा परेका ५ घर–परिवारलाई चाहिँ सुरक्षित रहन आग्रह गरेका छौं,’। ‘पाइपबाट चुहिएको पानीका कारण जमिन नै करिब १० फिट तल सरिसकेको राईको भनाई छ ।’

जोखिममा रहेका परिवारलाई कसरी सुरक्षित गर्ने भन्नेबारे जिल्ला विपद् व्यवस्थापन समितिसँग पनि छलफल भएको राईको भनाई छ । उनका अनुसार ‘थप क्षति हुनुअघि नै स्थानीयलाई सुरक्षित गर्न गाउँपालिका लागेको छ,’।

साविकको माबु गाउँ विकास समितिको वडा नम्बर ४ र ९ क्षेत्र जोखिममा परेको हो । एक सय ४७ घरपरिवारको दुई सय रोपनी भन्दा बढी जमिन लच्किएको छ ।