राष्ट्रिय सम्मानका साथ आरोही आङरिता शेर्पाको अन्त्येष्टि

धरान/ ‘हिम चितुवा ’ उपनमाले कहलिएका कीर्तिमानि पर्वतारोही आङरिता शेर्पाको राष्ट्रयि सम्मानका साथ अन्त्येष्टि गरिएकोे छ ।

बुधबार विहान पर्यटन , संस्कृति तथा नागरिक उड्डयनमन्त्री योगेश भट्टराईले राष्ट्रिय झण्डा उडाएर राष्ट्रिय सम्मान प्रदान गरेका हुन् । त्यस्तै सश्स्त्र प्रहरीको एक टुकडीले शेर्पाप्रति सलामी समेत अर्पण गरेको थियो ।

शेर्पाका शव काठमाडौंको टेकु दोभानमा बौद्ध परम्पराअनुसार उनको अन्त्येष्टि गरिएको हो ।

७२ वर्षीय आङरिताको सोमबार काठमाडौं स्थित आफ्नै छोरीको घरमा मृत्यु भएको थियो ।

शेर्पाले विश्वको सवोच्र्च शिखर सगरमाथा १० पटक सम्म बिना अक्सिजन सफल आरेहण गरेर विश्व किर्तिमान कायम गरेका हुन् । उनको यो रेकर्ड अझ सम्म पनि कायमै रहेको छ ।