_1693980289.gif "#")
इटहरी । इलाका प्रहरी कार्यालय इटहरीमा आएका नयाँ डिएसपी अर्जुन केसीलाइ होटल ब्यवसायी संघ इटहरीले बुधबार स्वागत तथा सम्मान संगै अन्तर्कृया गरेको छ ।
कोरोना महामारी र समुदाय स्तरमा फैलिएको संक्रमणको जोखिमलाइ मध्य नजर गर्दै अबका दिनमा कसरी होटलहरू सञ्चालन गर्ने भन्ने बिषयमा अन्तरक्रिया गरेको हो ।
कार्यक्रममा उद्योग वाणिज्य संघ इटहरीका अध्यक्ष भिम पौडेलले सुरक्षा सतरकता अपनाएर जोखिमलाइ पनि मध्यनजर गर्दै ब्यवसायहरू सञ्चालन गर्न पाउनुपर्ने धारणा राखे ।
इटहरीका होटल व्यवसायिहरूले पनि सबै ब्यापार ब्यवसायहरू सञ्चालन भइरहदा होटललाइ मात्रै बन्देज गर्दा आफुहरू प्रत्यक्ष मार्कामा परेकोले अब होटलहरू पनि सावधानी अपनाएर खोल्न पाउनुपर्ने माग गरेका छन् ।
कार्यक्रमका सभापति तथा होटल ब्यवसायी संघका अध्यक्ष जिवन पराजुलीले ६ महिना देखि होटल व्यवसायहरू बन्द रहदा अरबौको लगानी डुब्ने खतरा बढेकोले कोरोना महामारीको बिचमा सुरक्षा सतरकता अपनाएर असोज १ गतेबाट होटलहरू सञ्चालन गरिने उदघोष गरेका छन् । ब्यवसाय सञ्चालनको माग गर्दै बिगतमा होटल व्यवसायीहरूले सरकारलाइ ज्ञापन पत्र समेत बुझाएको छ।
सरकारको तर्फबाट होटल ब्यवसायीहरूलाइ कुनै राहतको प्याकेज नआएकोले बाध्य भएर ब्यवसाय नै सञ्चालनमा ल्याउनुको बिकल्प नरहेको संघका अध्यक्ष पराजुलिले बताए । कार्यक्रममा इलाका प्रहरी कार्यालय इटहरीका डिएसपी अर्जुन केसीले मर्यादित र व्यवस्थित ढंगले व्यवसाय सञ्चालन गर्दा प्रहरी प्रसाशनले कुनैबाधा उत्पन्न नगराउने बताए ।
