_1693980289.gif "#")
इटहरी । कोरोना भाइरसको संक्रमण समुदाय स्तरमा फैलन थालेपछि दोश्रो चरणको लकडाउन सुरू भएसंगै इटहरीमा बुधबार बिहानै देखि कडाइ गरिएको छ । बजार व्यवसायी पुर्णरूपमा ठप्प बनेका छन भने मुख्य राजमार्गहरूमा अतिआवस्यकिय सवारीहरूबाहेक अन्यलाइ प्रवेश निषेध गरिएको छ । इटहरी उपमहानगरको मंगलबार दिउसो ४ बजे बसेको आपतकालीन बैठकले बुधबार बिहान ७ बजेदेखि आगामि साउन २५ गते राती १२ बजे सम्म पूर्ण रूपले कडाइकासाथ लकडाउन गर्ने निर्णय गरिएको थीयो ।
दैनिक रूपमा कोरोना संक्रमितको संख्या बढन थालेपछि इटहरीले सुरक्षा सतर्कता अपनाउदै इटहरीलाइ ५ दिन सम्म लकडाउन गर्ने र पुनः अवस्था हेरेर त्यसैलाइ निरन्तरता दिने या नदिने भन्ने बिषयमा अर्को बैठक बस्ने निर्णय गरेको थीयो । गत साउन १५ गते यता कोरोना संक्रमितको संख्या ८ जना पुगेपछि इटहरीलाइ तत्काल लकडाउन गर्ने निर्णय भएको थियो । बुधबार बिहानै देखि लकडाउन भएपछि इटहरी अहिले सुनसान देखिएको छ ।औषधि पसलबाहेकका सबै ब्यापार व्यवसायहरू पुर्ण रूपमा ठप्प छन भने राजमार्गमा एम्बुलेन्स , कुटनितिज्ञ , प्रेस , दुधको गाडी , ढुवानी लगायत अति आवस्यकिय सवारी बाहेक अन्य गुडन दिएको छैन ।
यसैबिच इलाका प्रहरी कार्यालय इटहरी र सशस्त्र प्रहरी वल इटहरीले अनावस्यक सडकमा निस्कने जो कोहिलाइ पनि नियन्त्रणमा लिने भएको छ । राजमार्गको सुरक्षामा खटिएको ट्राफिक प्रहरीले पनि मास्क नलगाइ निस्किएका जो कोहिलाइ पनि नियन्त्रणमा लिएर कानुन अनुसार दण्ड जरिवा गराउने भएको छ ।
