कोरोनाको संक्रमित बढेसंगै इटहरी पनि ५ दिन लकडाउन गर्ने निर्णय

इटहरी । दैनिक कोरोना संक्रमितको संख्या बढन थालेपछि इटहरी उपमहानगरले ५ दिन लकडाउन गर्ने निर्णय गरेको छ । चार बजे बसेको आपतकालिन बैठकले इटहरीमा बुधबारदेखि बिहान ७ बजेदेखि ५ दिन सम्म् लागुहुने गरी लकडाउन गर्ने निर्णय गरेको हो ।

उपमहानगरले जारी गरेको लकडाउन उलंघन गरे कडा कार्वाहि गरिने जनाइएको छ । लक डाउनमा इटहरीको व्यापार व्यवसाय खोल्न नपाउने , अति आवस्यकिय काम बाहेक घरबाट बाहिर निस्कन नपाइने , जस्ता निर्णयहरू गरेको छ । साथै तरकारी डुलाउन पाइने । दुधका सवारी , कुटनितिज्ञ सवारी , पत्रकार लगायतलाइ भने रोक नलगाइने निर्णय गरीएको छ ।

हाल इटहरीमा समुदाय स्तरमा जम्मा ९ जनामा कोरोना संक्रमण देखिएको छ । यो संख्या संगै इटहरीमा कोरोनाबाट संक्रमित हुनेहरू २३ पुगेको छ ।