झापामा खोलाले बगाएर एक जनाको मृत्यु

विराटनगर । झापामा खोलाले बगाएर एकजनाको मृत्यु भएको छ । प्रदेश १ प्रहरी कार्यालय विराटनगरका अनुसार भद्रपुर नगरपालिका वडा नम्बर २ को महारानीझोडाका ५० वर्षीय कुमार गजमेरको देउनिया खोलाले बगाएर मृत्यु भएको छ ।
गजमेर दिउँसो खोलाको किनारामा मृत फेला परेका हुन । घटनास्थलमा खटिएको प्रहरी टोलीले मृतकको कानुनी प्रकृया पुरा गरी शव परीक्षणको लागि मेची अस्पताल भद्रपुर पठाएको छ र थप अनुसन्धान भईरहेको प्रहरीले जनाएको छ ।

उता,झापाकै बुद्धशान्ति गाउँपालिका वडा नम्बर ७ मा पहिरोमा पुरिएर मंगलवार राति १५ वर्षीय विवेक दर्नालको मृत्यु भएको छ । ७७ वर्षीया तिलमाया बराईली, २१ वार्षीया कल्पना बराईली र १९ वर्षीया पृष्टिना बराईली घाईते भएका छन् र राति साढे १० बजेतिर पहिरो घरमा खसेको थियो ।

पहिरोले तेज कुमार बराईलीको घर पूर्ण रुपमा क्षति भएको तथा नजिकैका दुई घर उच्च जोखिममा रहेकोले परिवारलाई नजिकैको चर्चमा सारिएको जिल्ला प्रहरी कार्यालय झापाले जनाएको छ ।