_1693980289.gif "#")
इटहरी । गाउँ पसेको बाढीले निकास नपाउँदा बराहक्षेत्र ५ का माझी गाउँ डुबानमा परेको छ ।
बराहक्षेत्रको भरौल, कालाबञ्जार, लगायतका स्थानहरू अहिले जलमग्न बनेका छन । गए राति देखि परेको अविरल वर्षाका कारण सुनसरीको बराहक्षेत्र स्थित हैटा खोलामा आएको बाढीले बराहक्षेत्र ५ माझी गाउँ अहिले डुबानमा परेको हो । गाउँ सहित ज.डे.ज. मा. वि, मुनविम एकेडेमी, सिद्घार्थ मेमोरियल स्कुलमा समेत पानी पसे पछि डुबान भएको छ ।
जमेको पानीले निकास नपाउँदा र खोला अतिक्रमण हुने क्रम नरोकिएपछि बाढिले चौतर्फी बितण्डा मचाएको बराहक्षेत्र ५ भरौलका स्थानीयहरूले बताएका छन । बाढीले त्यस क्षेत्रका करीब ३ दर्जन बढी घरहरूमा प्रत्यक्ष असर गरेको बताइएको छ ।
अविरल वर्षा पछि वर्षै पिच्छे स्थानीय खोलामा आएको बाढीले गाउँ जलमग्न बनेपछि केहि वर्ष अघि स्थानीयहरूले तत्कालिन भरौल गाविसमा तालाबन्दी समेत गरेका थिए । पछि राजमार्ग बढाउने बहानामा माझी गाउँनै उठाएर संरचनाहरू निर्माण गर्न थालेपछि खोलाको जमिन अतिक्रमण हुदाँ यसरी बाढी पसेका कालाबञ्जारका स्थानीयहरूले बताएका छन ।
