_1693980289.gif "#")
इटहरी । सुनसरीको इटहरीस्थित साना सहरी खानेपानी आयोजना संस्था देशकै नमुना संस्थाको रूपमा चिनिएको छ ।कोरोना भाइरसको कारण सिंगो मुलुक लकडाउन भइरकेको अवस्थामा खानेपानी आयोजनाले भने उपभोक्ताहरूलाइ २४ सै घण्टा पानी प्रदान गरेर सेवा दिएको थीयो ।
लकडाउनकै अवधीलाइ मध्यनजर गर्दै खानेपानीले चैत्र महिनाको अतिरिक्त शुल्क सबै मिनाहा गरेको थीयो ।
१८ हजार भन्दा बढी नगरवासीहरूलाइ शुद्ध र गुणस्तरीय खानेपानी बितरण गर्दै आएको यस आयोजनाले असार मसान्त सम्ममा ५० लाख राजस्व संकलन गर्ने लक्ष्य लिएकोमा लकडाउनको कारण सो परिमाणको राजस्व संकलन हुन नसकेको जनाएको छ ।
उपभोक्ताहरूको समस्यालाइ मध्यनजर गर्दै खानेपानीको सेवालाइ थप प्रभावकारी बनाउन र तुरून्त समस्याको सामधानकालागि सदैव तत्पर रहेको खानेपानीका अध्यक्ष रामप्रशाद चौलागाइले बताए । यता गर्मियाम सुरू भएसंगै पानीको अभावलाइ मध्यनजर गर्दै र उपभोक्ताहरूको मागलाइ पनि चासो राख्दै २४ सै घण्टा शुद्ध खानेपानी बितरण गर्ने तर्फ खानेपानी संस्था लागिरहेको अध्यक्ष चौलागाइले बताए ।
भाकाको १० वर्ष अघि नै सबै ऋण चुक्ता गर्दै संस्था हालै ऋणमुक्त बनेको छ । २०६३ जेठदेखि दुई पटक गरेर संस्थाले लिएको ऋण सावा र ब्याज गरी झण्डै ११ करोड रुपैया तिरेपछि खानेपानी संस्था ऋणमुक्त भएको हो ।
उक्त संस्थाले गत २०६३ जेठमा ५ करोड ऋण लिएको थीयो । सो ऋण ६७ साल सम्म आइपुग्दा ७ करोड ५ लाख पुगेको थीयो ।
पछि पुन रकम अपुग भएपछि रू ३ करोड ५१ लाख थपीएर १० करोड नाघेको थीयो तर ऋणको भाका २०३० सम्म रहेकोमा दुवै ऋण यही असारमा तिरिएको साना सहरी खानेपानी आयोजनाका अध्यक्ष रामप्रशाद चौलागाइले बताए ।
_Poush 22_1736170149.jpg "#")