_1693980289.gif "#")
धरान / धरान उमहानगरपालिकको नगर सभा तयारीको लागि हिजो बसेको कार्यपालिका बैठकमा काङग्रेस निकट वडा सदस्यहरुले अपशब्द प्रयोग गर्दै अमर्यादित व्यवहार प्रदर्शन गरेको भन्दै कार्यपालिका बैठक भाडिएको थियो ।
उक्त घटना प्रति मेयर तिलक राईले क्षमा मागेका छन् । आज बसेको कार्यपालिका बैठकको सुरुवातमै मेयर राईले सम्बोधनको क्रममा माफि मागे पछि बैठकले निरन्तरता पाएको हो ।
कार्यपालिका जस्तो मर्यादित ठाउँमा काङग्रेस निकट वडाध्यक्षहरु अभद्र व्यवहार पर्दशन गर्दा मेयर राईले रुलिङ गर्नु पर्नेमा मौन सर्मथन गरेको नेकपा निकट वडाध्यक्षहरुले आरोप लगाएका थिए ।
यस अघि नगरभाको लगि उद्योग बाणिज्य संघको हल तोकिएपनि हिजो रातिनै सभा स्थान परिवर्तन गरिएको छ ।
अब नगर सभा विपी कोइराला स्वास्थ्य विज्ञान प्रतिष्ठानको अडोटरियम हलमा गरिने भएको छ । उद्योग बाणिज्य संघमा सामाजिक दुरी कायम गर्न कठिनाई हुने भएकाले स्थान परिवर्तन गरिएको छलफमा सहभागि एक वडाध्यक्षले बताए ।
