फिदिम/ पाँचथरको फिदिम नगरपालिका–१ शनिबारेबाट प्रहरीले ठूलो परिमाणमा ट्रामाडोल र स्पास पेन प्रो ट्याब्लेटसहित चार जनालाई नियन्त्रणमा लिएको छ।
जिल्ला प्रहरी कार्यालय पाँचथरबाट खटिएको प्रहरी टोलीले शंकाका आधारमा चेकजाँच गर्दा TRAMADOL १ हजार २ सय ७० ट्याब्लेट र SPAS PAIN PRO १ हजार २ सय ७० ट्याब्लेट गरी जम्मा २ हजार ५ सय ४० ट्याब्लेट बरामद गरेको हो।
प्रहरीले उक्त ट्याब्लेटसहित चार जनालाई नियन्त्रणमा लिएर थप अनुसन्धानका लागि जिल्ला प्रहरी कार्यालय पाँचथरमा ल्याएको जनाएको छ।
पक्राउ पर्नेमा हिलिहाङ गाउँपालिका–७ घर भई हाल फिदिम नगरपालिका–१ बस्ने एक जना, फिदिम नगरपालिका–११ फेवादिन घर भई हाल फिदिम–१ बस्ने एक जना, फिदिम–१ का एक जना र सुनसरीको धरान उपमहानगरपालिका–१४ घर भई हाल हिलिहाङ गाउँपालिका–७ टाँरीमा बस्दै आएका २१ वर्षीय उज्वल तिम्सिना रहेका छन्।
घटनाबारे थप अनुसन्धान भइरहेको प्रहरीले जनाएको छ।
