_1693980289.gif "#")
सुनसरी/ इटहरी उपमहानगरपालिका–२०, तरहरामा नियमित चेकजाँचका क्रममा लागूऔषध सेवन गरी सवारी चलाउने ८ जना चालक तथा सह-चालकलाई प्रहरीले नियन्त्रणमा लिएर अनुसन्धान अघि बढाएको छ।
बुधबार (मिति २०८२।०८।०२) नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी, इलाका प्रहरी कार्यालय इटहरी र कोशी प्रदेश प्रहरी अस्पताल इनरुवाबाट खटिएको संयुक्त टोलीले सवारी साधन रोकेर परीक्षण गर्दा उनीहरूबाट लागूऔषध सेवन गरेको पुष्टि भएको प्रहरीले जनाएको छ।
उनीहरूलाई लागूऔषध नियन्त्रण ऐन, २०३३ बमोजिम कारबाही प्रक्रिया अघि बढाइएको छ। सम्मानित सुनसरी जिल्ला अदालतबाट ५ दिनको म्याद थप भई उनीहरूलाई इलाका प्रहरी कार्यालय इटहरीमा राखेर थप अनुसन्धान भइरहेको प्रहरीले जनाएको छ।
१) रोहन बि.क., २२ वर्ष, धरान–८, सुनसरी
२) विनय बि.क., ३० वर्ष, धरान–५, सुनसरी
३) बिमल राई, २७ वर्ष, धरान–५, सुनसरी
४) अभिषेक चौधरी, २३ वर्ष, इनरुवा–९, सुनसरी
५) दिवश चौधरी, २८ वर्ष, दुहबी–८, सुनसरी
६) अर्जुन पौदार, ३९ वर्ष, दमक–१३, झापा
७) पंचलाल खवास, ४३ वर्ष, बवियाबिर्ता–७, मोरङ
८) रमेश चौधरी, ३२ वर्ष, बेलबारी–९, मोरङ
प्रहरीले सडक सुरक्षामा जोखिम बढाउने मदिरा तथा लागूऔषध सेवन गरेर सवारी चलाउनेमाथि आगामी दिनमा थप कडाइका साथ निगरानी र कारबाही गर्ने जनाएको छ।
