धरान/ सामाजिक सञ्जाल TikTok मार्फत धर्म विशेषप्रति अपमानजनक भाषा प्रयोग गर्दै धार्मिक विद्वेष फैलाउने प्रयासमा संलग्न एक युवकलाई प्रहरीले नियन्त्रणमा लिएको छ।
पक्राउ पर्ने व्यक्ति सुनसरीको कोशी गाउँपालिका–३, नहरचौकका २२ वर्षीय साहिल अंसारी भएको जिल्ला प्रहरी कार्यालय सुनसरीले जानकारी दिएको छ।
प्रहरीका अनुसार अंसारीले धर्म विशेषलाई लक्षित गर्दै अश्लील तथा उत्तेजनात्मक शब्द प्रयोग गरी समाजमा धार्मिक हिंसा भड्काउने आशंकाको भिडियो तयार पारेर सामाजिक सञ्जालमा सार्वजनिक गरेका थिए।
विद्युतीय कारोबार ऐन, २०६३ अन्तर्गत ‘विद्युतीय अपराध’ शीर्षकमा मुद्दा दर्ता गरी सुनसरी जिल्ला अदालतबाट तीन दिनको म्याद थप अनुमति लिएर हाल अनुसन्धान जारी राखिएको प्रहरीले जनाएको छ।
