_1693980289.gif "#")
धरान/सुनसरीको कोशी गाउँपालिका–७ हरिपुरस्थित पूर्व–पश्चिम राजमार्गमा प्रहरीको नियमित चेकजाँचको क्रममा ठूलो मात्रामा अवैध भारतीय मदिरा बरामद गरिएको छ।
बिहीबार राति करिब ८:३० बजे अस्थायी प्रहरी चौकी हरिपुरबाट खटिएको प्रहरी टोलीले काँकडभिट्टाबाट पोखरा तर्फ गइरहेको GAA 0188 नम्बरको यात्रुबाहक बस जाँच गर्ने क्रममा बसको साइड डिक्कीमा लुकाई छिपाई ल्याइएको ३५९ बोतल Old Monk Deluxe Rum (७५० एमएल) र १२ बोतल Royal Stag (७५० एमएल) फेला पारेको हो।
मदिरासहित प्रहरीले जिल्ला कास्कीको पार्चे गाउँपालिका–१ निवासी ४५ वर्षीय खगेन्द्र सिंह गुरुङलाई नियन्त्रणमा लिएको छ। प्रारम्भिक सोधपुछमा ती मदिरा निजकै रहेको खुलेको प्रहरीले जनाएको छ।
बरामद गरिएको मदिरा र पक्राउ परेका गुरुङलाई आवश्यक कारबाहीको लागि जिल्ला प्रहरी कार्यालय सुनसरीमार्फत आन्तरिक राजस्व कार्यालय, ईटहरी पठाउने प्रक्रिया अगाडि बढाइएको प्रहरीले जानकारी दिएको छ।
