_1693980289.gif "#")
धरान/सुनसरीको धरान उपमहानगरपालिका वडा नं. १३ स्थित निशानेको कोशी राजमार्गमा सवारी चेकजाँचको क्रममा ठूलो परिमाणमा लागुऔषध गाँजा फेला परेको छ।
मंगलबार साँझ ५:४५ बजे अस्थायी प्रहरी चौकी अमरहाटबाट खटिएको टोलीले विशेष सूचनाका आधारमा धनकुटाबाट धरानतर्फ आउँदै गरेको बा.प्र.०१-००६ ख ६२६८ नम्बरको यात्रुबाहक बस जाँच गर्ने क्रममा बसको डिक्कीमा लुकाईछिपाई राखिएको ४९.७२५ किलोग्राम गाँजा फेला पारेको हो।
गाँजा दुईवटा सुटकेसभित्र लुकाएर राखिएको अवस्थामा भेटिएको र सोधपुछका क्रममा ती सुटकेस भोजपुर जिल्ला, पौवादुम्मा गाउँपालिका–६ निवासी ३६ वर्षीय जीवनराज राई र ३१ वर्षीय आरएन राईको भएको खुलेको प्रहरीको भनाइ छ।
प्रहरीले दुबै व्यक्तिलाई गाँजासहित नियन्त्रणमा लिएर थप अनुसन्धानका लागि इलाका प्रहरी कार्यालय धरानमा ल्याएको जनाएको छ।
