_1693980289.gif "#")
ईनरुवा/ सुनसरीको ईनरुवा नगरपालिका–३ स्थित पूर्व–पश्चिम राजमार्गमा लागू औषधसहित तीन जना युवक पक्राउ परेका छन्।
शुक्रबार दिउँसो ५ बजे सखुवागाछीबाट खटिएको प्रहरी टोलीले पूर्वतर्फ जाँदै गरेको एक समूहलाई शंका लागेर चेकजाँच गर्दा लागू औषधसहित उनीहरूलाई पक्राउ गरिएको हो।
पक्राउ पर्नेहरूमा सुनसरीको इटहरी उपमहानगरपालिका–३ का २८ वर्षीय विवेक अधिकारी, २२ वर्षीय मनोज परियार र २६ वर्षीय मनिष राई रहेका छन्।
गोप्य सूचनाका आधारमा चेकजाँच गरिएको क्रममा मनोज परियार र मनिष राईको साथबाट प्लास्टिकमा पोको पारिएको खैरो हिरोइन जस्तो देखिने लागू औषध ४.८२ ग्राम (प्लास्टिक बाहेक शुद्ध तौल ३.३७ ग्राम) बरामद गरिएको जिल्ला प्रहरी कार्यालय सुनसरीले जनाएको छ।
त्यस्तै विवेक अधिकारीको साथबाट नाइट्राजेपाम लेखिएको चार वटा ट्याबलेट समेत फेला पारिएको छ।
लागू औषधसहित तीनै जनालाई नियन्त्रणमा लिई थप अनुसन्धान तथा कानुनी कारवाहीका लागि जिल्ला प्रहरी कार्यालय सुनसरीमा राखिएको प्रहरीले जनाएको छ।
