वराहक्षेत्र/सुनसरीका विभिन्न स्थानीय तहका न्यायिक समितिबीच अन्तरक्रिया कार्यक्रम आइतबार वराहक्षेत्र नगरपालिकामा सम्पन्न भएको छ।
वराहक्षेत्र नगरपालिकाको आयोजनामा भएको अन्तरपालिका स्तरीय कार्यक्रममा सहभागी स्थानीय तहहरूले आ–आफ्ना वार्षिक प्रगति विवरण प्रस्तुत गरेका थिए।
वराहक्षेत्र नगरपालिकाकी उपप्रमुख तथा नगर न्यायिक समितिकी संयोजक नन्दकुमारी सुनुवारको अध्यक्षतामा सम्पन्न कार्यक्रममा नगरप्रमुख रमेश कार्की प्रमुख अतिथिका रूपमा सहभागी थिए।
कार्यक्रममा सुनसरीका उपमहानगरपालिका, नगरपालिका र गाउँपालिकाका उपप्रमुखहरू विशिष्ट अतिथिका रूपमा सहभागी थिए।
साथै, वराहक्षेत्र वडा नं १ का अध्यक्ष किसन थापा मगर, वडा नं ५ का अध्यक्ष तथा न्यायिक समितिका सदस्य रोहित काफ्ले, वडा नं ७ का अध्यक्ष तथा न्यायिक समितिका सदस्य कपिल आचार्य, इलाका प्रहरी कार्यालय महेन्द्रनगरका प्रमुख प्रहरी निरीक्षक दिवस कुवँर, वराहक्षेत्र मन्दिरका प्रधान पुजारी किरण भण्डारी, गुठी व्यवस्थापन समितिका अध्यक्ष भक्तबहादुर श्रेष्ठलगायत अन्य पदाधिकारी र स्थानीय संघ–संस्थाका प्रतिनिधिहरूको उपस्थिति थियो।
धर्तिको पहिलो तीर्थस्थलका रूपमा परिचित वराहक्षेत्र मन्दिर परिसरमा आयोजित सो कार्यक्रममा नगरपालिकाले न्यायिक समिति घोषणापत्र पनि सार्वजनिक गरेको थियो।
कार्यक्रम सञ्चालन सूचना अधिकारी गौरी रायले गरेका थिए। स्वागत मन्तव्य वडा नं ७ का अध्यक्ष कपिल आचार्यले र धन्यवाद मन्तव्य वडा नं ५ का अध्यक्ष रोहित काफ्लेले व्यक्त गरेका थिए।
