_1693980289.gif "#")
धनकुटा/ धनकुटा नगरपालिका–६ गोलाइ नजिकै आज बिहान भएको एक यात्रुवाहक बस दुर्घटनामा एक जनाको मृत्यु भएको छ भने १४ जना घाइते भएका छन्।
धरानबाट भोजपुरतर्फ जाँदै गरेको को १ ख २१७७ नम्बरको बस ब्रेक फेल भई बिहान १०:१० बजे सडकबाट करिब ५० मिटर तल खसेको हो।
दुर्घटनामा परी ७३ वर्षीया कृष्णकुमारी राई भुजेलको उपचारका क्रममा जिल्ला अस्पताल धनकुटामा बिहान ११:४५ बजे मृत्यु भएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए।
दुर्घटनामा घाइते भएका १४ जनामध्ये चार जनाको अवस्था गम्भीर छ। उनीहरूलाई थप उपचारका लागि अन्यत्र रेफर गर्ने तयारी भइरहेको प्रहरीले जनाएको छ।
बाँकी घाइतेहरूको जिल्ला अस्पताल धनकुटामै उपचार भइरहेको छ।
घाइते:
१. भोजपुर षडानन्द नगरपालिका वडा नम्बर १३ बस्ने वर्ष अन्दाजि २० को सुर्यमणी तामाङ।
२. साेही ठाउँका अनमोल तामाङ।
३. सुनसरी बराहक्षेत्र नगरपालिका वडा नम्बर २ बस्ने वर्ष ४८ को कृष्ण राउत।
४.बस चालक-जिल्ला सुनसरी धरान उपमनपा १३ बस्ने वर्ष ५१ को रुद्र तामाङलाई जिल्ला अस्पताल धनकुटामा उपचार भई रहेको। सामन्य उपचार पश्चात बीपी कोइराला स्वास्थ्य प्रतिष्ठान धरान घोपा तर्फ पठाइएको छ।
५. भजपुर पौवादुम्बा गापा वडा नम्बर ३ च्याङ्रे बस्ने वर्ष ८० को गंगा प्रसाद सापकोटा विपि कोइराला स्वास्थ्य प्रतिष्ठान धरान घोपा तर्फ पठाइएको छ।
६. भोजपुर भोजपुर नपा ११ बस्ने वर्ष २४ की सविना बराइली।
७. भोजपुर नपा ११ बस्ने वर्ष ६० को देवी विक।
८. धनकुटा साँगुरीगढी गापा ६ बस्ने वर्ष ६० को हंश वहादुर राईकाे विपि कोइराला स्वास्थ्य प्रतिष्ठान धरान घोपा तर्फ पठाइएको छ।
९. भोजपुर षडानन्दा नपा ११ बस्ने वर्ष ५१ को पुर्ण माया तामाङ।
१०.जिल्ला सुनसरी इटहरी उपमनपा ४ बस्ने वर्ष १७ को आयुष राई।
११.धनकुटा नगरपालिक वडा नम्बर ६ बस्ने वर्ष ३४ को धन कुमार विक।
१२. भोजपुर नपा ११ बस्ने वर्ष ५८ को लिला बहादुर श्रेष्ठलाई विपि कोइराला स्वास्थ्य प्रतिष्ठान धरान घोपा तर्फ पठाइएको छ ।
१३. धनकुटा साँगुरीगढी गाँउपालिका वडा नम्बर ६ बस्ने वर्ष ६० की दिर्घ माया राई।
घटनाबारे बाँकी विवरण आउन बाँकी छ।
