_1693980289.gif "#")
बिर्तामोड/झापाको भद्रपुरमा स्कुटी दुर्घटनामा परी एक जनाको मृत्यु भएको छ। मृत्यु हुनेमा भद्रपुर नगरपालिका–२, गौरीशंकरका ३५ वर्षीय अनिल लिम्बू रहेका छन्।
प्रहरीका अनुसार आइतबार राति करिब पौने ९ बजे मेची राजमार्गअन्तर्गत चारआली–केचना सडक खण्डमा भद्रपुरबाट बनियानीतर्फ गइरहेको प्र.१–०१–०१२ प ९९३७ नम्बरको स्कुटी अनियन्त्रित भई भद्रपुर–४ स्थित झापा चोकदेखि दक्षिण तल बाहुन गाउँमा दुर्घटना भएको हो।
स्कुटी चालक दमक नगरपालिका–२ का २९ वर्षीय रबिन फुयाँल सकुशल छन् भने पछाडि सवार लिम्बूको टाउकोमा गम्भीर चोट लागेपछि तत्काल प्रादेशिक अस्पताल, भद्रपुरमा भर्ना गरिएको थियो। उपचारको क्रममा राति नै लिम्बूको मृत्यु भएको जिल्ला प्रहरी कार्यालय झापाले जनाएको छ।
दुर्घटनामा स्कुटी सडक छेउको नालामा खस्दा अगाडिको भाग क्षतिग्रस्त भएको छ। घटनाको बेला वर्षा भइरहेको र बिजुलीसमेत गएको स्थानीयले जनाएका छन्।
लिम्बू विदेश जानका लागि बिर्तामोडको एक म्यानपावर कम्पनीमा पुगेका थिए र स्कुटी चालक फुयाँल उनलाई घर पुर्याउन आएका थिए। अहिले स्कुटी र चालक फुयाँल प्रहरीको नियन्त्रणमा रहेका छन्।
