_1693980289.gif "#")
विराटनगर/ मोरङको धनपालथान गाउँपालिका–३ ललिया टोलका एक युवक बुधबार बिहान नालामा मृत अवस्थामा फेला परेका छन्। मृतक धनपालथान–२ निवासी ३७ वर्षीय विजय मण्डल रहेको प्रहरीले जनाएको छ।
मण्डलको शव भेटिएको स्थान नजिकै उनी आफैंले चलाउँदै आएका को २१ प १६५६ नम्बरको मोटरसाइकल समेत फेला परेको छ।
शव र मोटरसाइकल एउटै स्थानमा भेटिनुका कारण उनलाई मोटरसाइकल दुर्घटनामा परेको हुन सक्ने प्रहरीको प्रारम्भिक अनुमान छ।
इलाका प्रहरी कार्यालय रंगेलीका अनुसार मण्डलको शव सडकदेखि करिब तीन मिटर तल रहेको नालामा फेला परेको हो। स्थानीयवासीले शव देखेपछि बिहान करिब ६ः१५ बजे प्रहरीलाई खबर गरेका थिए।
मोटरसाइकल चलाउने क्रममा सन्तुलन गुमाउँदा मण्डल सडकबाट नालामा खसेको र उठ्न नसकेर घटनास्थलमै मृत्यु भएको हुन सक्ने प्रहरीको भनाइ छ।
इन्स्पेक्टर सन्तोषकुमार खड्का नेतृत्वको प्रहरी टोलीले घटनास्थल पुगेर कानुनी प्रक्रिया पूरा गरी शव पोस्टमार्टमका लागि रंगेली अस्पताल पठाएको छ। घटनाबारे थप अनुसन्धान भइरहेको प्रहरीले जनाएको छ।
_Poush 22_1736170149.jpg "#")
_1734253975.jpg "#")
