_1693980289.gif "#")
उदयपुर/ उदयपुरको बेलका नगरपालिका-६ स्थित मुर्ती खोलाको किनारमा ठूलो परिमाणमा गाँजा बरामद भएको छ।
विशेष सूचनाका आधारमा जिल्ला प्रहरी कार्यालय उदयपुर र इलाका प्रहरी कार्यालय रामपुर ठोक्सिलाको संयुक्त टोलीले ८९१ किलो ४२३ ग्राम गाँजा फेला पारेको हो।
गाँजा प्लास्टिकका ३९ वटा पोका बनाई बेवारिसे अवस्थामा भेटिएको प्रहरीले जनाएको छ।
गाँजा ओसारपसारमा संलग्न व्यक्तिहरूको खोजी तीव्र पारिएको छ। बरामद गाँजा इलाका प्रहरी कार्यालय रामपुर ठोक्सिलामा राखिएको छ।
यसैबीच, जिल्ला प्रहरी कार्यालय उदयपुरले त्रियुगा नगरपालिका-१२ का रोहित झालाई शंका लाग्दा चेकजाँच गर्दा प्रतिबन्धित औषधि ट्याब्लेटसहित पक्राउ गरेको छ।
घटनासम्बन्धी थप अनुसन्धान जारी रहेको प्रहरीले जनाएको छ।
