_1693980289.gif "#")
काठमाडौँ/ नेपालभर आज ७४औँ प्रजातन्त्र दिवस विभिन्न कार्यक्रम गरी मनाइँदै छ।
२००७ साल फागुन ७ गते नेपालमा प्रजातन्त्र स्थापना भएको सम्झनामा हरेक वर्ष यो दिवस विशेष रूपमा मनाउने गरिन्छ।
यस अवसरमा काठमाडौंको टुंडिखेलमा विशेष समारोह आयोजना गरिएको छ, जसमा राष्ट्रपति, प्रधानमन्त्री, मन्त्रीपरिषद्का सदस्यहरू, सुरक्षा निकायका प्रमुखहरू तथा विभिन्न क्षेत्रका प्रतिनिधिहरूको उपस्थिति रहनेछ।
कार्यक्रममा झण्डोत्तोलन, तोपको सलामी तथा प्रजातन्त्र प्राप्तिमा योगदान दिने व्यक्तिहरूलाई सम्मान गर्ने कार्यक्रम रहेको छ।
देशका विभिन्न स्थानमा पनि र्याली, दीप प्रज्वलन, गोष्ठी, तथा अन्य कार्यक्रम आयोजना गरिँदैछ। विद्यालय तथा कलेजहरूमा पनि प्रजातन्त्र दिवससम्बन्धी विशेष कार्यक्रमहरू गरिने भएको छ।
नेपालमा प्रजातन्त्र प्राप्तिका लागि भएका संघर्षहरू र प्रजातन्त्रपछिका उपलब्धिहरू स्मरण गर्दै, दिवसले नागरिकलाई लोकतान्त्रिक मूल्य र मान्यताप्रति प्रतिबद्ध रहन प्रेरित गर्ने विश्वास गरिएको छ।
