धरान/ वेवारिसे ‘सामुदायिक कुकुर’ दुर्घटनामा पर्न थाले पछि कुकुरलाई राती टल्कने नियोन बेल्ट लगाउन धरानमा सुरु गरेको छ ।
धरान मानव कल्याण सेवा समाजले ‘मानव सेवा मात्र नभई सडक दुर्घट्नाबाट आफु पनि बचौ र कुकुरलाई पनि बचाउँ’ भन्ने उदेÞश्यले सामुदायिक कुकुरलाइ रिफ्लेक्सन लाइट सहितको निओन बेल्ट लगाइएको धरान मानव कल्याण सेवाका अध्यक्ष अरमान अलिले बताए ।
उनले भने, ‘धरान बजारमा रहेका सामुदायिक कुकुरको संख्या अधिक छ । दुर्घटना बाट कुकुरहरु धेरै घाईते छन् । यसलाई न्युनिकरण गर्नका लागी र सडकमा रहेका कुकुरको सुरक्षित होस भनेर हामीले यो कार्यक्रम गर्ने सोच राखेका हौ ।’
लगभग एक सय जति कुकुरलाई बेल्ट लगाउने लक्ष्य छ । धरान निवासी हाल हङकङमा रहेका अरुणा देवान र सोनिका बान्तवाले बेल्ट खरिदको लागी ३५ सय आर्थिक सहयोग गरेका छन् ।
त्यस्तैगरि धरान मानव कल्याण सेवाले खाना खर्च १५ सय सहयोग गरेको छ ।
