लाखेनाचमा सिुभवा लाखेनाच समूह प्रथम

धरान  / झिगु नेवाः पुचः गाइघाट र नेवाः देव दवू त्रियुवा नगर समितिको संयुक्त आयोजनामा भएको दोस्रो उदयपुर खाना परिकार मेला तथा १ नं प्रदेश स्तरीय प्रतियोगितात्मक लाखेनाच महोत्सबको उपाधि नेवाः देव दवू पाचखपन संखुवासभाले हात पारेको छ ।

प्रतियोगितामा विजेता वनेको सिभुवा लाखे नाच समूहले नगद १ लाख १ रुपैया नगद तथा ट्रफि हात पार्दै उपाधि चुमेको हो । प्रतियोगितामा सुनसरीको धरानको पासाः खल समूहले दोस्रो स्थान हात पार्न सफल भएको थियो । पासा खल समूहले ७५ हजार १ रुपैया नगद हात पारेको थियो ।

त्यसैगरी प्रतियोगिता इन्द्रपुर नेवाः पुच मोरङ्गले तेस्रो स्थान हासिल गरेको थियो । त्यस्तै प्रतियोगिता नेवाः देय् दबू झुम्का, सुनसरी र झींगु नेवाः पुचः उपशाखा बोक्से, उदयपुरले सान्तवना पुरस्कार हात पारेका थिए । सान्तवना पुरस्कार नगद ११ हजार १ रुपैया रहेको छ । प्रतियोगितामा संखुवासभा,सुनसरी,मोरङ,झापा, इलाम, खोटाङ,ओखलढुङा उदयपुर गरी १२ समूह सहभागी रहेका थिए ।