युएन.नवोदयका विद्यार्थीले जेष्ठ नागरिकलाई खाना खुवाए

धरान । विद्यार्थीहरुलाई सामाजिक कार्यमा अभिप्रेरित युएन, नवोदयका विद्यार्थीहरुले हेप्पिङ हेन्डस् गठन गरी विभिन्न स्थानमा सहयोग पु¥याएका छन्

पछिल्लो समय यु.एन.नबोदय हेल्पिङ ह्यान्ड्समा आबद्ध बिद्यार्थीहरुले शनिबार ज्येष्ठ नागरिकहरुलाई खाना खुवाएका छन ।

इटहरी–१६ पकलीमा रहेको रामजानकि बृद्धाश्रममा पुगेर उनीहरुले आश्रमका जेष्ठ नागरिकहरुलाई आफै खाना पकाएर खुवाएका छन् ।

खना खुवाउनुका साथै जेष्ठ नागरिकहरुको नङ, कपाल काटिदिएका थिए । । हेल्पिन्ङ ह्यान्ड्सका संयोजक राम लिम्बुले आश्रमका सचिव रेनुका ओझालाई ५ हजार रुपैया नगद समेत हस्तान्तरण गरेका थिए । आश्रममा रहेका जेष्ठ नागरिकको स्वास्थ्य उपचारमा सहयोग पुगोस् भन्ने उद्देश्यले सहयोग उपलब्ध गराएकोे बताए ।

कलेजका बिद्यार्थीहरुलाई अध्ययनसँगै अतिरिक्त क्रियाकलापमा सामेल गराउदै सामाजिक कार्यमा समेत जिम्मेवारी बोध गराउने उद्देश्यले बृद्धाश्रममा जेष्ठ नागरिकहरुलाई खाना खुवाउनुका साथै नगद प्रदान गरिएको कलेजका प्रमुख डम्बर कुमार तुम्बापोले जानकारी दिए ।

आश्रमका अध्यक्ष बिष्णु बहादुर डागीले बिभिन्न सहयोगी दाताहरुकै भरमा चलेको यो संस्था नगद सहयोग सहित आश्रममा रहेकालाई खाना खुवाएर सहयोग पुर्‍याएकोमा धन्यवाद दिए ।

विद्यार्थीहरुले सन्तान अभावमा मानसिक तनाव झेलिरहेका उनीहरुलाई नाचगान गरेर रमाईलो गरेका थिए । ज्येष्ठ नागरिक राधिका न्यौपानेले खुशी व्यक्त गरिन् । सो अवसरमा कलेजका होटल म्यानेजमेन्ट कोअर्डिनेटर गगन मान श्रेष्ठ, अध्यापक नाम्लिङ हाङ चेम्जोङ र एस.ई.ई.स्टेट–१ डान्सिङ स्टारकी बिजेता नुमा लिम्बु सहभागिता रहेको थियोा ।