धरान । पितृहरुको नाममा धरान १० को एक परिवारले पञ्चायत माध्यमिक विघालयलाई ट्रस र छाना निर्माण गरिदिएका छन् ।
स्वर्गीय पिता खर्क शम्सेर र माता राज कुमारी लिम्बूको सम्झनामा छोरा सञ्जय कुरुम्ङबाङ लिम्बू, छोरी कल्पना कुरुम्ङबाङ, दिपा कुरुम्ङबाङ, शिला कुरुम्ङबाङ लिम्बुको सहयोगमा विद्यालयलाई तीन लाख पचास हजार रकमको ट्रस तथा छानो निर्माणका लागि सहयोग गरेका हुन् । विद्यालयले शुक्रबार एक कार्यक्रम बीच धरान १० का वडाध्यक्ष विवेक राईले नवनिर्मित ट्रस समेत उद्घाटन गरेको छ ।
विद्यालयले उक्त परिवारलाई सम्मान पत्र प्रधान गर्दै सम्मान गरेको छ । यसैगरी विद्यालयका एसएलसी चौथो ब्याजका विद्यार्थी हेमन्त भण्डारीले विद्यालय विकास र निर्माणका लागि १ लाख ९३ हजार ६ सय १६ रुपैयाँ रकम सहयोग गरेका छन् । उनले विदेशमा रहेका साथीहरुसँग रकम संकलन गरी सहयोग गरेका हुन् ।
हाल विद्यालयमा तीन सय जना भन्दा धेरै विद्यार्थी अध्ययनरतरहेका छन् । विद्यालयले चौतर्फी विकाशका लागि बालविकाश कक्षा, शौचालको निर्माणसँगै कम्प्युटर प्रयोगशाला , विज्ञान प्रयोगशालाको निर्माण गरिएको छ । विद्यार्थीहरुको सुविधाको लागि यातायातको सेवा सुविधा समेत सुचारु गर्ने विद्यालयका शिक्षक नवराज दाहालले बताए । कार्यक्रममा जेहेन्दार विद्यार्थी तथा दलित वर्गका विद्यार्थिलाई पुरस्कार तथा छात्रवृत्ती प्रदान गारिएको थियो ।
