_1693980289.gif "#")
धरान । प्राइम भिजन इन्टरनेशनलले एसइई दिएर बसेका विद्यार्थीहरुलाई हस्पिटालिटी तालिम दिएको छ ।
धरानमा एडभान्स डिप्लोमा अध्यापन गराउँदै आएको प्राइम भिजनले एसईई दिएर बसेका बिद्यार्थीलाई लक्षित गरी तालिमको आयोजना गरेको हो ।
दशदिनसम्म चल्ने निःशुल्क हस्पिटालिटी म्यानेजमेन्ट तालिममा बिद्यार्थीलाई होटल म्यानेजमेन्ट साथै विभिन्न व्यवहारिक बिषयहरुमा प्रशिक्षित गरिएको कलेजका कार्यक्रम संयोजक संगीत सिग्देलले जानकारी दिए । उनले भने–‘हामीले एसईई दिएर बसेका विद्यार्थीहरुलाई लक्षित गरी तालिम आयोजना गरेका हौं, यसले विद्यार्थीलाई हस्पिटालिटी सम्बन्धी जानकारी होस् भन्ने हाम्रो उद्देश्य हो ।’
उनले तालिममा होटल व्यवसाय सम्बन्धि जानकारी, व्यवसायिक किचन सम्बन्धि तालिम, खानालाई कसरी ग्राहक माझ प्रस्तुत गर्ने, समूहमा बोल्न सक्ने क्षमताको अभिवृद्धि, व्यक्तित्व विकास जस्ता विभिन्न व्यवहारिक बिषयहरुमा सहभागीहरुलाई प्रत्येक विधाका बिज्ञयद्वारा सहजीकरण गरिएको बताए ।
बिगत ५ बर्ष देखि होटेल म्यानेजमेन्ट र म्यानेजमेन्ट विषय अध्यापन गराउँदै आएको प्राइम भिजन कलेजले बिद्यार्थीको क्षमता अभिवृद्धि हुने खालका विभिन्न कार्यक्रमहरु समय–समयमा आयोजना गर्दै आइरहेको छ ।
