खुल्ला पुरुषतर्फ भोजपुर र महिलातर्फ झापा विजयी

धरान । सांतौ बांझगरा खुल्ला पुरुष तथा महिला भलिबलमा भोजपुर र दमकले जितको छ ।

बांझगरा युवा क्लबले आइतार बागरकोटको खेल मैदानमा आयोजना गरेको प्रतियोगतामा पुरुषतर्फ भोजपुर षडानन्द गाउँपालिका र महिलातर्फ झापाको दमक नगरपालिकाले जित हात पारेको हो ।

महिलातर्फबाट दमक नगरपालिकाले अन्तिम स्कोर २५ अंक ल्याएको थियो भने उपविजेता इटहरी क्लबले १४ स्कोर प्राप्त गरेको थियोे । पुरुषतर्फमा भोजपुर षडानन्द नगरपालिकाले २५ स्कोर अंक प्राप्त बिजेता बनेको थियो ।

असार २, ३ र ४ गते तीनदिनसम्म चलेको प्रतियोगितामा खुल्ला पुरुष भलिबल प्रतियोगितामा प्रथम पुरस्कार १ लाख १ हजार, मेडल, प्रमाणपत्र र ट्रफी, दोस्रो पुरस्कार ६१ हजार, मेडल, प्रमाणपत्र र ट्रफी पाएका थिए भने खुल्ला महिला भलिबलतर्फ प्रथम पुरस्कार ३० हजार र दोस्रो पुरस्कार २० हजार, मेडल, ट्रफी र प्रमाणपत्र पाएका थिए । यस्तै अन्तर जिल्लास्तरीय भेट्रान भलिबलतर्फ प्रथम पुरस्कार ५१ हजार र दोस्रो पुरस्कार ३१ हजार मेडल, ट्रफी र प्रमाणपत्र प्राप्त गरेको छ ।