धरान । विराटनगरमा भएको दुई दिने भारतीय शैक्षिक मेला सकिएको छ । दुई हजार भन्दा बढी विद्यार्थीहरूले अवलोकन गर्दै दुई दिने शैक्षिक मेला शनिबार सकिएको हो ।
शैक्षिक मेलामा भारतको नाम चलेको कलेज र विश्वविद्यालयहरू गरि ४० वटा कलेजहरूको सहभागिता रहेको नलेज टेवर्कका एमडी विकास त्रिवेदीले जानकारी दिए । नाम चलेका कलेजका प्रतिनिधीहरू स्थानिय स्थरमा प्रत्यक्ष रूपमा सहभागि भएर विद्यार्थीहरूले आफ्नो रोजाइ अनुसारको विषयमा अध्ययन गर्न इच्छुक विद्यार्थीहरूले जानकारी लिएको उनले बताए । ‘एउटै छानामुनी भारतको नाम चलेका कलेजका विद्यालयमा आफुलाई मनपर्ने विषयमा जानकारी दिन हामीले शैक्षिक मेला आयोजना गरिएको हो,’ नलेज नेटवर्कका एमडी त्रिवेदीले भने, ‘मेलामा विद्यार्थीहरूले भारतको नामलेका कलेजहरूको विषयमा भरपुर जानकारी लिएका छन् ।’
नलेज नेटवर्कले यसअघि विरगन्ज, जनपुर र काठमाण्डौमा भारतीय शैक्षिक मेला आयोजना गरिसकेको छ । काठमाण्डौंमा फेरी जुन २९ र ३० तारिखमा भारतीय शैक्षिक मेला आयोजना गरिने भएको छ ।
