धरान । प्राइमभिजन इन्टनरनेशनल हस्पिटालिटी म्यानेजमेन्ट कलेजले एसई दिएर बसेका विद्यार्थीहरुका लागि निःशुल्क होटल म्यानेजमेन्ट तालिम सञ्चालन गर्ने भएको छ ।
कलेजले एसईई दिएर घरमै बसेका विद्यार्थीहरुका क्षमतालाई अभिवृद्ध गर्ने उद्देश्यले निःशुल्क १० दिने होटेल म्यानेजमेन्ट तालिम संचालन गर्ने भएको हो ।
माध्यमिक परिक्षा सकेका विद्यार्थीहरुलाई कुन विषय अध्ययन गर्ने भन्ने द्विविधा नहास् भन्ने उद्देश्यले पनि तालिमको आयोजना गरिएका कलेजका संयोजक अनिल श्रेष्ठले जानकारी दिए ।
यही जेष्ठ २३ गते देखि सञ्चालन हुने तालिमको माध्यमबाट बिद्यार्थीहरुलाई होटल व्यवसाय सम्बन्धि जानकारी दिने, व्यवसायिक किचन सम्बन्धि जानकार बनाउने, विभिन्न परिकारहरु बनाउन सिकाउने, बनाएको खानालाई कसरी ग्राहक माझ प्रस्तुत गर्ने, समूहमा बोल्न सक्ने क्षमता अभिवृद्धि, व्यक्तित्व विकास जस्ता विभिन्न व्यवहारिक बिषयहरु सिकाइने कलेजका सिइओ. अभिषेक श्रेष्ठले बताए । उनले भने–‘ तालिममा समावेश हुने इच्क्षुकले अनलाइन मार्फत आबेदन फारम भर्न सक्छन् र सो फारम कलेजको फेसबुक पेजमा सजिलै पाइन्छ ।’
बिगत ५ बर्षदेखि होटेल म्यानेजमेन्ट र म्यानेजमेन्ट विषय अध्यापन गराउँदै आएको प्राइम भिजन कलेजले बिद्यार्थीको क्षमता अभिवृद्धि हुने खालका विभिन्न कार्यक्रमहरु समय–समयमा आयोजना गर्दै आइरहेको छ ।
