भलिवल प्रतियोगित हुने

धरान । सात बर्षदेखि लगातार भलिवल प्रतियोगताको आयोजना गर्दै आएको बाझगरा युवा क्लब धरान १५ ले यस बर्ष पनि निरन्तता दिएको छ ।

कोरोना संक्रमणका कारण प्रभावित बनेको प्रतियोगिता यस बर्ष भने गर्ने भएको हो । आयोजक बाझगरा युवा क्लबका अनुसार सातौ बाझगरा खुल्ला पुरुष महिला तथा पुरुष तथा अन्तर जिल्ला भेट्रान भलिबल कप असार पहिलो साता हुने भएको हो ।

आइतवार पत्रकार सम्मेलन गर्दै असार २ देखि ४ गते सम्म प्रतियोगिता आयोजना हुन लागेको हो ।

आयोजक समितिका अध्यक्ष कर्ण केदेमका अनुसार खुल्ला पुरुष भलिबल प्रतियोगितामा प्रथम हुनेलाई १ लाख १ हजार, दोस्रो हुनेलाई ६१ हजार प्रमाणपत्र र ट्रफी पाउने छ्न भने खुल्ला महिला भलिबल तर्फ प्रथम हुनेलाई ३० हजार र दोस्रो हुनेले २० हजार मेड्ल ट्रफी र प्रमाणपत्र पाउने छ्न । यसैगरी अन्तर जिल्ला स्तरीय भेट्रन भलिबल तर्फ प्रथम हुनेलाई ५१ हजार र दोस्रो हुनेलाई ३१ हजार मेड्ल ट्रफी प्रदा गरिनेछ ।

केदेमका अनुसार भलिबल प्रतियोगिता भरी व्यक्तिगत बिधा तर्फ बेस्ट डिफेन्स, बेस्ट सटर ,बेस्ट ब्लकर, बेस्ट सर्भर,बेस्ट स्पाईकर र सर्बोत्कृष्ट खेलाडीलाई समेत पुरस्कारको व्यवस्था गरिएको छ ।

६ लाखको लागत लाग्ने भनिएको प्रतियोगितामा खुल्ला पुरुष भलिबल प्रतियोगितामा २ हजार ५सय , महिला प्रतियोगीहरुले १ हजार ५सय र भेट्रान तर्फ १ हजार ५ सय ईन्ट्री फि लाग्ने अध्यक्ष केदेमले बताए ।