_1693980289.gif "#")
धरान । नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरी झापा गोल्डकपको फाइनल खेलमा लागि बिर्तामोड आउने भएका छन् ।
फागुन ३० गते डोमलाल राजवंशी रङ्गशालामा हुने त्रिभुवन आर्मी क्लब र झापा–११ को खेलका लागि अल्मुताइरी झापा आउन लागेका हुन् ।
प्रतियोगितालाई थप उत्साह प्रदान गर्न उनलाई झापा बोलाइएको झापा गोल्ड कपका अध्यक्ष विनोद बस्नेतले जानकारी दिए । बस्नेत भन्छन्–‘गोल्कपको उत्साह थप्नउ उनी झापाआउन लोकाका हुन् उनी खेल अवधिभर मैदानमा रहने छन् ।’
कुवेतका प्रो लाइसेन्स प्राप्त प्रशिक्षक अब्दुल्लाह अलमुताइरी नेपाली राष्ट्रिय फुटबल टिमको मुख्य प्रशिक्षक नियुक्त भएपछि नेपालले पहिलो पटक साफ च्याम्पियनसिप फुटबलको फाइनल खेलेको थियो । एएफसी कोचिङ इन्स्ट्रक्टर समेत रहेका अब्दुल्लाह नेपाली टिमका हालसम्मका सफल प्रशिक्षक हुन् । उनले नेपाललाई थ्री नेसन्स कपको उपाधि समेत दिलाएका थिए ।
कतार फुटबल एसोसिएसनको सहयोगमा अब्दुल्लाह गत चैत ६ गते नेपाल आएका थिए । नेपाल आएको मौका उनी झापा गोल्डकपमा सहभागी हुन लागेको जनाइएको छ ।
