धरान । अपाङ्गता भएकाहरुलाई सिप सिकाएर आत्मनिर्भर वनाउने उद्धेश्यले सुनसरीको इटहरीमा सञ्चालन गरिएको कम्प्युटर तालिम समापन भएको छ ।
द लेप्रोसी नेपालको आयोजनामा गौरीभक्त होटल मेनेजमेन्ट प्रालिको प्राविधिक सहयोग र स्पाईनल ईन्जुरी संघ प्रदेश नम्बर १ को समन्वयमा अपाङ्गता भएकाहरुका लागि सञ्चालित आधाभुत तथा डिजाइन सम्वन्धी तालिमको एक कार्यक्रमका विच समापन गरिएको हो ।
संघको प्रदेश नम्वर १ का अध्यक्ष विक्रम घिमीरेको अध्यक्षता तथा द लेप्रोसी नेपाल विराटनगरका विपिन दासको प्रमुख आतिथ्यमा भएको समापन कार्यक्रममा तालिममा सहभागीहरुलाई प्रमाण पत्र वितरण गरिएको थियो । ४५ दिने तालिममा प्रदेश नम्बर १ का विभिन्न ठाउँका अपाङ्गता भएका २५ जनाको सहभागिता रहेको तालिममा गंगा घिमीरेले प्रशिक्षण दिएका थिए ।
तालिममा सिकेका कुराहरुका व्यवसायिक रुपमा प्रयोगमा ल्याएर आत्मनिर्भर वन्न प्रयोग गर्न अतिथीहरुले सुझाव दिए ।
