_1693980289.gif "#")
धरान/ बैंकले संचालन गरेको रेमिट्यान्सको पार्किङ एकाउण्टबाट रकम अपचलन भएको टिप्पणी प्रति सप्तकोशी डेभलपमेन्ट बैंकले ध्यानाकर्षण भएको जनाएको छ । बैंकले विज्ञप्ती जारी गर्दै रकम अपचलन भएको विषयमा कानुन बमोजिम उजुरी परि अहिले अनुसन्धानको क्रममा रहेको जनाएको छ । अनुसन्धानमै रहेको विषय प्रति थप टिकाटिप्पणी गर्न नमिल्ने भएकाले दोषि देखिएका व्यक्तिहरु उपर कानुन बमोजिमनै कारवाही हुने जनाएको छ ।
विज्ञप्तीमा भनिएको छ, ‘प्रदेश १ मा स्थापित विश्वसनिय बैंकको रुपमा रहेको यस बैंक र कर्मचारीहरु प्रति वितृष्णा, भ्रम फैलाई निक्षेपकर्ता, कर्जा ग्राहक, शेयरधनी र अन्य सरोकारवाला सबैलाई नकारात्मक प्रभाव पार्ने उद्देश्यले भएका केहि क्रियाकलाप र सो बाट श्रृजित समाचारहरुबाट अभिप्रेरित हुने अवश्था होइन ।’ रकम हिनामिना वा अपचलन गरेको अनुसन्धानबाट देखिए रकम असुल उपर हुनेनै हुँदा हालको सन्दर्भमा बैंकको निक्षेप, शेयरधनीो लगानी तथा अन्य कारोबारमा फरक नपर्ने भएकाले विश्वस्त रहन सरोकारवाला सबैमा आग्रह गरेको छ ।
बैंकले मंसिर मसान्त सम्म पुँजीकोष ८६ करोड ३३ लाख रहेको जनाएको छ । मंगलबार ४ बजे सम्म निक्षेप ४ अर्ब १८ करोड रहेको जनाउँदै लगानी ४ अर्ब ३६ करोड र सरकारी सुरक्षणपत्रमा लगानी १८ करोड रहेको जनाएको छ ।
