_1693980289.gif "#")
विराटनगर । परीक्षा अगावै प्रश्नपत्र आउट गराउने पूर्वाञ्चल विश्व विद्यालयका कर्मचारी र विद्यार्थीसहित १० जना पक्राउ परेका छन । जिल्ला प्रहरी कार्यालय मोरङका अनुसार परीक्षा हुनुभन्दा दुई घण्डा अगाडि नै प्रश्नपत्र आउट गरिएको प्रकरणमा उनीहरु पक्राउ परेका हुन ।
प्रहरीका अनुसार काठमाडौबाट ८ जना विद्यार्थीलाई शनिबार पक्राउ गरी विराटनगर ल्याइएको हो । यस्तै ८ वैशाखमा सप्तरी घर भएका महेश यादवलाई पक्राउ गरेर ‘शिक्षा ऐन’ अनुसार म्याद थप गर्दै अनुसन्धान अघि बढाइएको जनाएको छ । इन्जिनियरिङ संकायको स्नातक दोस्रो सेमिस्टरको फिजिक्स विषयको परीक्षा हुनुभन्दा दुई घण्डा अगाडि ३ वैशाखमा बाहिरिएको थियो । परीक्षा १ बजेलाई तय भएको थियो । तर ११ बजे नै प्रश्नपत्र आउट भएपछि परीक्षा नियन्त्रक कार्यालयका प्रमुख प्रा.डा. सूर्यप्रसाद संग्रौलाले तत्काल अर्को प्रश्नपत्र बनाएर परीक्षा लिन निर्देशन दिएका थिए । सोहीअनुरुप परीक्षा भएको थियो । अनुसन्धानका लागि जिल्ला प्रहरी कार्यालय मोरङमा निवेदन दिइएको थियो ।
पूर्वाञ्चल विश्व विद्यालयको इन्जिनियरिङ संकाय स्नातकतर्फको चौथो, छैठौं र आठौं तहको फाइनल परीक्षा भइरहेको छ । चैत २३ देखि सुरू भएको परीक्षा वैशाख २३ गतेसम्म संचालन हुनेछ ।
जिल्ला मोरङ प्रहरी कार्यालय प्रमुख एसपी सन्तोष खड्काले पुष्टि प्रश्नपत्र आउट गर्ने कर्मचारीलाई हरेक विद्यार्थीले १० देखि २० हजारसम्म रकम दिएको खुल्न आएको छ । घटनाबार प्रहरीले आइतबार पत्रकार सम्मेलन गरी जानकारी गराएको छ ।
