_1693980289.gif "#")
इटहरी । गिरिजाप्रसाद कोइराला फाउन्डेसन युवा तथा खेलकुद विभाग प्रदेश नं. १ को आयोजनामा बिहीबार देखि प्रदेश एक नगरपालिका स्तरीय फुटवल प्रतियोगिता हुने भएको छ ।
सुनसरीको इटहरीमा मंगलबार पत्रकार सम्मेलन गर्दै आयोजक टोलिका प्रदेश एक संयोजक सूर्य राईले खेलको सम्पूर्ण तयारी पुरा भइसकेको बताए । उनले फुटबल इटहरीस्थित क्षेत्रीय रंगशालामा हुने जानकारी दिएका छन ।
खेलमा प्रदेश एकबाट एक महानगर, दुइ उपमहानगर र ६ वटा नगरपालिकाका टिम गरी कुल ८ वटा टिमले भाग लिने जनाइएको छ । आयोजकका अनुसार इटहरी, विराटनगर, धरान, उदयपुर, उर्लाबारी, दमक, इनरुवा र धनकुटा सहित ८ वटा समुहले खेलमा भाग लिने जनाइएको छ । खेलमा बिजेता टिमले रू २ लाख , उपविजेताले नगद एक लाख प्राप्त गर्ने जनाइएको छ ।
यसैबिच प्रतियोगितामा स्वास्थ्य शिविर, सांगीतिक कार्यक्रम तथा फोटो प्रदर्शनी समेत हुनेछ । खेल हेर्न आएका दर्शकले निःशुल्क स्वास्थ चेकजाँच समेत गरिनेछ । फुटवल हेर्न आएका दर्शकहरूलाइ थप मनोरञ्जन दिलाउन राष्ट्रिय स्तरका कलाकारहरू गायिका मेलिना राई, प्रितम आचार्य, सेविका कोइराला, लगायत स्थानीय कलाकारहरूको पनि प्रस्तुति रहने छ । साथै निशुल्क औषधि बितरण तथा बिपि प्रतिष्ठानका चिकित्सकहरूको परामर्स रहने जनाइएको छ । खेलमा दर्शकहरूलाइ प्रवेश निःशुल्क रहेको छ ।
