नेपाली भुमिमा लगाइएको धानबालीमा आएको भारतिय भैंसी खेदाउदा भारतियको कुटपिटबाट नेपालीको मृत्यु

धरान । नेपाली भुमिमा लगाइएको धानबालीमा भारतिय सिमाबाट छिरेको  भैंसी धपाउन जादा भारतियको कुटाइबाट नेपालिको मृत्यु भएको छ ।

 सप्तरीको डाक्नेश्वरी नगरपालिका ६ कटैया दशगजामा भारतीयको कुटाईबाट घाइते भएका३५ बर्षीय नेपाली नागरिक रामदेव यादवको भदौ २१ गते मृत्यु भएको हो । घाइते भएका रामदेबको उपचारका क्रममा धरान स्थित बिपि कोइराला स्वास्थ्य बिज्ञान प्रतिष्ठानमा मृत्यु भएको छ । 

प्रहरीका अनुसार भदौ ६ गते भएको घटनामा भारत बिहारको मधुबनी जिल्लाको करियौत गामपञ्चायत ८ का १९ बर्षीय प्रदिप चौधरी, २० बर्षीय देवगोरा यादव र १८ बर्षीय सरोज यादवले रामदेवको धानबालीमा भैसी चराएका थिए ।

रामदेवले भैसी धपाउन जादा तीनै जना भारतीय मिलेर बाँसको लाठीले कुटपिट गरेका थिए । मृतक रामदेवलाई कुटपिट गर्ने भारतीय प्रदिप यादवलाई प्रहरीले नियन्त्रणमा लिएर म्याद थप गर्नुका साथै थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।