बेलबारीका १ सय १ परिवारले पाए नयाँ घर

 बेलबारी/ मोरङको बेलबारी नगरपालिकाले असहाय, एकल, दलित तथा पिछडा वर्गहरुका लागि १ सय १ वटा घर बनाइ दिएको छ । कमजोर आर्थिक अवस्था भएका नगरभित्र बस्ने नागरिकहरुका लागि नगरपालिकाले पूर्ण रुपमा निःशुल्क घर तयार गरिदिएको हो ।बेलबारी नगरपालिका, सहारा नेपाल र ह्याविटेड नेपालको सहकार्यमा नगरपालिकाले घरहरु निर्माण गरिदिएको हो । नगरभित्रका४ वटा वडाहरु वडा नं. ३, ४,१० र ११ मा घरहरु निर्माण गरिएको नगर प्रमुख ज्ञानेन्द्र सुवेदीले बताए ।

नगर प्रुमख सुवेदीका अनुसार वडा नं. ३ मा ४०, वडा नं. ४ मा २०, वडा नं. ११ मा ४० र वडा नंं १० मा १ गरि जम्मा १ सय १ वटा घरहरु निर्माण भएका हुन् । नगरपालिकाले घरहरु निःशुल्क निर्माण गरिदिएपछि वडाबासी हर्षित भएका छन् । `पहिला बासका भाटा टाटी प्रयोग गरेर बनाएको घरमा बस्ने गरेकी थिए´ ४ कि सिता राइले भनिन `अहिले चिटिक्क परेको घरमा बस्न पाएको छु । उनि १५ दिन देखी नगरपालिकाले बनाइ दिएको घरमा बसेका छौ ।´

प्रत्येक घरमा बरण्डा र तीन वटा कोठा र गाढा निलो रङको टिनको छानो लगाइएको छ । `हामीले यति राम्रो घर बस्न पाउछौ जस्तो लागेको थिएन, अहिले भने हाम्रो देशमा सरकार छ भन्ने लाग्यो´ बेलबारी ४कै असित राईले भने `नगरपालिकाले हाम्रा लागि ठुलो सहयोग गर्यो । ´ प्रतिघर नगरपालिकाको १ लाख ५० हजार तथा सहारा नेपाल र ह्याविटेड नेपालको १ लाख गरि जम्मा २ लाख ५० हजार रुपैयाँमा घर बनाई दिइको नगर प्रमुख सुवेदीले बताए ।