अवरुद्घ राजमार्ग एकतर्फ खुल्यो

इलाम/ इलामको रोङ गाउँपालिका क्षेत्रमा पर्ने मेची राजमार्ग पहिरोको कारण अवरुद्घ बनेको सडक एक तर्फि रुपमा खुलेको छ । गए राति परेको अविरल वर्षाको कारण अवरुद्घ बनेको सडक एकतर्फि खुलेको हो ।

सडक अवरुद्घ सँगै विच बाटोमै अवरुद्घ बनेका झापा,इलाम,पाँचथर र ताप्लेजुङ सम्म सञ्चालन हुने सवारीलाई सहज बनेको छ । कोरोना संक्रमणमका कारण यात्रुवाहक सवारी सञ्चालन नभएपनि एम्बुलेन्स र खाद्यान्न बोकेका सवारी विच बाटोमै अलपत्र परेका थिए ।

पहिरोका कारण सडक अवरुद्घ बनेपछि विहानबाटै स्काभेटर प्रयोग गरी सडक खुलाउने काम भईरहेको थियो । विहानै देखि पहिरो फाल्ने काम भएपनि धेरै ठाउमा पहिरो गएको कारण अहिले सम्ममा एकतर्फि मात्र सडक सञ्चालनमा आएको हो ।