मेचि राजमार्ग अवरुद्ध

इलाम / इलामको रोङ गाउँपालिका क्षेत्रमा पर्ने मेची राजमार्ग पहिरोको कारण अवरुद्घ बनेको छ । गए राति परेको अविरल वर्षाको कारण राजमार्ग अन्र्तगत किटेनि देखि झापा इलाम सिमाना जोरकलस सम्मका विभिन्न स्थानमा पहिरो जाँदा सडक अवरुद्घ बनेको हो ।

सडक अवरुद्घ बनेसँगै झापा,इलाम,पाँचथर र ताप्लेजुङ सम्म कुद्ने सवारी विचबाटोमै रोकिएका छन । कोरोना संक्रमणमका कारण यात्रुवाहक सवारी सञ्चालन नभएपनि एम्बुलेन्स र खाद्यान्न बोकेका सवारी विच बाटोमै अलपत्र परेका छन ।

पहिरोका कारण सडक अवरुद्घ बनेपछि विहानबाटै स्काभेटर प्रयोग गरी सडक खुलाउने काम भईरहेको पर्यटन सूचना केन्द्र जोरकलसका सूचना अधिकृत गगन घिमिरेले बताए । उनले भने “ विहानै देखि पहिरो फाल्ने काम भएपनि धेरै ठाउमा पहिरो गएको कारण दिउँसो एक दुई बजेभन्दा अघि सडक खुल्ने सम्भावना छैन । ”