एजेन्सी । घरेलु मैदानमा मंगलबार राति भएको खेलमा टोटेनह्यामले वेस्टह्याममाथी २-० को जित निकालेको छ ।
इंग्लिस प्रीमियर लिग फुटबलमा टोटेनहामको जितका लागि स्ट्राइकर ह्यरि केनले एक गोल गर्दा एक गोल आत्मघाती उपहार पाएको थियो ।
पहिलो हाफ गोलरहित बराबरीमा सकिए पनि दोस्रो हाफमा वेस्टहामका मिडफिल्डर टोमस सोउकेकले आत्मघाती गोल गरेका थिए ।
उनले खेलको ६४ औं मिनेटमा आत्मघाती गोल गर्दै टोटेनह्यामलाई अग्रता दिलाएका थिए ।
खेलको ८२ औं मिनेटमा केनले गोल गर्दै घरेलु टोलिको अग्रता दोब्बर पारे । उनले दक्षिण कोरियाली स्ट्राइकर सनको पासमा गोल गरेका थिए ।
त्यसपछि थप गोल हुन नसक्दा खेल घरेलु टोली २- ० गोलले विजयी भएको हो ।
यस जितसँगै टोटेनहाम अंक तालिकाको सातौं स्थानमा उक्लिएको छ ।
३१ खेलबाट ४५ अंक जोड्दै टोटेनह्याम तालिकाको सातौ स्थानमा उक्लिएको छ ।
पराजित वेस्टहाम भने समान खेलबाट २७ अंक जोड्दै १७ औं स्थानमा छ ।
