_1693980289.gif "#")
फाईल फोटो
विराटनगर । प्रदेश १ सरकारले आगामि आर्थिक वर्ष २०७७ ७८ का लागि कुल ४० अर्ब ८९ करोड ९९ लाख ४७ हजारको बजेट प्रस्तुत गरेको छ ।
सोमबार प्रदेशसभा आर्थिक मामिला तथा योजनामन्त्री इन्द्रबहादुर आङ्बोले आगामि वर्षको चालु खर्च तर्फ १८ अर्ब ९३ करोड ४९ लाख ९३ हजार (४६.२९ प्रतिशत) र पूँजीगततर्फ २१ अर्ब ९२ करोड ५० लाख ४ हजार (५३ .७१ प्रतिशत) विनियोजन गरिएको बताएका छन् ।
यस्तै मन्त्री आङबोले वित्तिय व्यवस्थापन तर्फ ४ करोड रुपैयाँ र अन्तर सरकारी वित्त हस्तान्तरणका लागि रु. २ अर्ब ८८ करोड ८२ लाख ४५ हजार विनियोजन गरिएको जनाएका छन् ।
राजस्व बाँडफाँडबाट१० अर्ब ३ करोड ५४ लाख, अनुदानबाट १५ अर्ब ११ करोड ३८ लाख र चालू आर्थिक वर्षको नगद मौज्दात ६ अर्ब रहने पूर्वानुमान प्रदेश सरकारले गरेको छ ।
