_1693980289.gif "#")
विराटनगर । विश्व्यापी महामारीको रुपमा फैलिएकोे कोरोना भाईरस नियन्त्रण तथा रोकथामका लगि सरकारले जारी गरेको लकडाउन जारी गरेको छ ।
लकाडाउन जारी भएसगै प्रदेश १ का विभिन्न नाका बाट १० हजार भन्दा बढी नेपालीहरु नेपाल फर्किएका छन् भने १८ हजार भन्दा बढी भारतीयहरु नेपालबाट भारत फर्किएका छन् ।
झापाबाट ६ हजार २ सय ६५ जना, इलामबाट ३ सय २२, मोरङबाट २ हजार ६ सय ५८ र सुनसरीबाट १ हजार ३१ जना नेपालीहरु भारतबाट नेपाल फर्केको प्रदेश नं १ प्रहरी कार्यालयले जनाएको छ । यो तथ्याङ्क जेठ ३१ गते सम्मको हो ।
यस्तै नेपालबाट झापाको नाका हुदै भारत तर्फ जानेहरुको संख्या सबैभन्दा बढी छ ।
झापाको नाकाबाट १५ हजार ७ सय १२ , इलामबाट २ जना र मोरङबाट २ हजार ८ सय ८५ जना भारत तर्फ गएका छन् ।
प्रदेश १ मा सबैभन्दा धेरै झापाको काकडभिट्टाको पानीटयांङकी नाका र त्यसपछि मोरङको विराटनगर जोगबनी नाकाबाट मानिसहरु आवतजावत भएको देखिन्छ ।
भारतबाट फर्कनेहरुलाई प्रदेश मातहतका होल्डिङ एरियामा राखेर ज्वरो जाँचगरी सम्बन्धित जिल्ला मार्फत स्थानीय तहमा पठाउने गरिएको छ ।
